Senicioti Koço Qendro, një ndër legjendat e aktrimit korçar e atij shqiptar, mbush 95 vjeç, duke qenë ndër të rrallët, në mos i vetmi, ndoshta dhe në rang botëror, që ngjitet e luan në skenë në këtë moshë të thyer.
E bën këtë vitet e fundit me “Kopracin” e famshëm, duke e vënë këtë pjesë famoze të Molierit në skenën e “Andon Zako Çajupit”, aty ku ndërtoi karrierën e tij aktoreske.
Me këtë rast, bashkëfshatari i tij, kolegu Thoma Nika, e uroi me këto fjalë:
“Shumë urime për 95-at e tua sot, i dashur Koço Qendro, senicioti i Korçës. Ke kapur një majë, nga e cila ke bërë pa kuptim urimin klasik ‘Edhe 100’.
Edhe 5 km janë malore. Pas 100 fillon fushorja. Prandaj hiçc mos u lodh. Jeta është e bukur dhe e dhembshur në çdo moshë, kur di ta jetosh si ti.
Uroj: Sa më gjatë mes dashurive të tua, ku bën pjesë edhe Senica!
Jetë-Shëndet e Vitalitet!”. /sarandacity.al/
