Në fshatin Metoq prej 10 ditësh është duke u punuar mbi urën që lidh këtë fshat me fushat e Vurgut.
Në ndryshim nga ndërhyrja e bërë në korrik të vitit të kaluar për rikonstruksionin e saj, këtë vit këto punime bëhen që në këtë urë kapaciteti i kalimit të mjeteve të rritet nga 5 ton që është aktualisht të shkojë në 20 ton.
Ky shqetësim është ngritur nga banorët dhe fermerët e zonës në takimin e fundit që Anila Denaj, kandidate për deputete e Partisë Socialiste dhe Adrian Gurma, kryetar i bashkisë Sarandë kanë bërë në kuadër të fushatës elektorale në Metoq.
Mesa duket bashkia Sarandë ka vendosur të ndërhyjë për këtë shqetësim të fermerëve të zonës duke patur parasysh që jemi në sezonin e shfrytëzimit të tokave bujqësore nga ana e tyre.
Kjo urë shërben jo vetëm për kalimin e automjeteve, motorrave por dhe për kalimin e këmbësorëve të kësaj zone dhe të çobanëve që iu duhet të kullotin gjënë e gjallë në këto fusha.
Leonidha Papa, inxhinieri i Bashkisë Sarandë është shprehur se me këtë ndërhyrje do të përforcohet kapaciteti i urës dhe në të mund të kalojnë tani makina me një tonazh deri në 20 ton. /sarandacity.al/
https://youtu.be/QQ_02-Y2cFQ
