Një urim nga Bashkia: Vrapo Alush, vrapo!

Bashkia përcolli një vlerësim dhe urim për atletin Alush Çukari, në kuadër të pjesëmarrjes së tij në një event në Korçë, duke shkruar:

“Me mbështetjen e Bashkisë Sarandë, atleti sarandiot Alush Çukari ka përfaqësuar Klubin Shumësportësh BUTRINTI në Olimpiadën Ballkanike të Atletikës për Veteranët të zhvilluar në Korçë me pjesmarrës nga: Italia,Turqia, Ukraina, Bjellorusia, Rumania etj.

Ai mori pjesë në garën e 5000 m për moshat 50-55 vjeç, duke u renditur në vendin e 5-të, mes njëmbëdhjetë garuesve në garë.

FALEMINDERIT për përfaqësimin dinjitoz dhe për mesazhet pozitive që përcjell.

Urime dhe suksese në vijim Lushi”. /sarandacity.al/