Siç raporton TCH, Haki Çako, ish-drejtori i përgjithshëm i Policisë së Shtetit, aktualish kreu i Emergjencave Civile, po rezulton me pushime në këtë sezon zjarresh.
Kjo ka dalë në pah nga fakti se KLSH (Kontrolli i Lartë i Shtetit) ka dashur të ushtrojë një kontroll te Emergjencat, por që nuk është lejuar me pretendimin se drejtori është me pushime e pa lejen e tij s’mund të ketë kontroll.
Sipas TCH, nga stafi i atyshëm është komunikuar me kryetarin e KLSH-së Arben Shehun, i cili konfirmoi situatën e pazakontë, duke thënë: “I bëj thirrje publikisht drejtorit të emergjencave civile të kthehet urgjent në detyrë për të zbatuar detyrimet që ka sipas ligjit, me situatën kur disa zona të vendit janë pushtuar nga zjarret. E dyta të mos bëhet pengesë për auditimin e Kontrollit të Lartë të Shtetit. Është e vërtetë që është komunikuar se nuk mund të jepet asnjë informacion derisa të kthehet drejtori i emergjencave”. /sarandacity.al/
