Ndërsa dyshja Berisha-Metaj nuk ka shfaqur asnjë përgjegjësi për humbjen katastrofike të opozitës në Lokalet e së dielës, në PD-në zyrtare ka ndodhur ndryshe. Kryetari në detyrë Enkelejd Alibeaj vendosi të japë dorëheqjen.
“Në shenjë reflektimi dhe përgjegjshmërie, kam vendosur të largohem nga drejtimi i partisë dhe po ashtu nga pozicioni drejtues në grupin parlamentar. Partia duhet të riorganizohet në mënyrë kapilare, në bazë të parimeve demokratike, siç e kam theksuar vazhdimisht gjatë fushatës elektorale. Partia duhet të ketë rregulla të reja, parime të reja, për t’u ndarë nga e kaluara berishiste dhe për të ndërtuar një aleancë me potencial për 2025-en”, theksoi Alibeaj.
Ai sërish e ka drejtuat gishtin e përgjegjësisë te Berisha për atë që ndodhi së fundi.
“Para një viti, kur e prita në zyrë Sali Berishën, i thashë se më të në krye, demokratët nuk kanë asnjë shans të vijnë në pushtet. Prandaj nuk mund ta ndiqja. Prandaj nuk e ndoqa dhe zgjodha rrugën e qëndresës”, tha ai.
Alibeaj gjykon se faji i për këtë humbje dramatike të radhës duhet parë te vetja e jo te kundërshtari.
“Zgjedhjet e 14 Majit, padyshim, patën probleme serioze: presione mbi administratën, përdorim të fortësh, përdorim oligarkësh, sistem elektronik difektoz etj., por, para së gjithash, ne duhet të shohim nga vetja. Ne duhet të analizojmë me seriozitet efektet e përçarjes së Partisë Demokratike në rezultatin e zgjedhjeve. Ne duhet të vlerësojmë si duhet punën e bërë në terren nga strukturat e partisë, impenjimin e gjithsecilit, kontributin e gjithsecilit, për të kuptuar çfarë shkoi keq dhe çfarë shkoi si duhet”, u shpreh ai.
“Unë po largohem për t’i hapur rrugën një drejtimi kolegjial të partisë, në këtë fazë që hedh themelet për të ardhmen”, ishin fjalët e Alibeajt. /sarandacity.al/
643518 220131How considerably of an exciting piece of writing, continue creating companion 926586