O det o s’ka! Pse Saranda po zhytet në krizë imobilare?

Saranda po vuan nga një kërkesë e lartë për apartamente nga të huaj, por që nuk i përgjigjet dot oferta. Agjenci imobilare në qytet flasin për krizë apartamentesh, pra mungesë të tyre, pasi dhe ndërtimi është frenuar nga shtrëngimet burokratike shtetërore, si dhe nga prirja për investim në hotele dhe jo pallate banimi.

Nga ana tjetër, po dalin në pah gabimet e së kaluarës në mënyrën e ndërtimit, pasi shumë hyrje nuk shiten për shkak se nuk e shohin detin. Ndër to janë ato që janë zënë nga pallatet e ndërtuara përpara, ose ato që për mungesë vizioni arkitektural ofrojnë pamje pa asnjë lidhje më pozicionin joshës nga deti.

Të huajve, gjë tjetër nga Saranda nuk u duhet. Ata vijnë për detin e jo për Sarandën. Saranda s’është Monte Carlo, që, mjafton ky emër e fama e tij, paçka nesë sheh apo jo detin po të kesh apartament aty.

Kështu që, nga njëherë anë nuk ka më hyrje që shohin nga deti e nga ana tjetër ka stok hyrjesh që s’shohin nga deti. /sarandacity.al/