Turqa i ka përcjellë një ofertë Greqisë që si të mund të jetojnë në paqe e fqinjësi të mirë, pa armiqësi për shkak të pretendimeve territoriale ujore në Egje.
Sipas mediave greke, pas takimit të jashtëzakonshëm të ministrave të mbrojtjes së NATO-s, Hulusi Akar, ministri turk, i ka mëshuar bashkëshfrytëzimit të Egjeur nga dy vendet, si në aspektin e turizmit ashtu edhe në burimet e pasura të Arkipelagut.
I pyetur për situatën e fundit në marrëdhëniet greko-turke, Hulusi Akar u përgjigj: “Me Greqinë u zhvilluan bisedime pozitive dhe konstruktive për çështjet aktuale. Ne i vendosim çështjet tona në tavolinë me ndershmëri, çiltërsi, ndershmëri dhe transparencë”.
Duke folur në veçanti për Egjeun, ai theksoi: “Kjo është e rëndësishme për mirëqenien e njerëzve të dy vendeve dhe ndarjen e bukurive dhe pasurive të Egjeut. Ka turizëm, peshkim dhe shumë pasuri të tjera. Ne jemi për përdorimin e tyre së bashku, këtë e kemi thënë. Ne kemi marrë një përgjigje pozitive nga bashkëbiseduesi ynë(grek), presim që ata të ecin në këtë drejtim. Ne jemi konstruktivë, pozitivë, kjo është qasja jonë”.
Këto deklarata vijnë një ditë pas takimit të “të papritur” të Akar me homologun grek të Mbrojtjes, Nikos Panagiotopulos.
Duke folur për gazetarët, Akar tha se ishte në pritje të delegacionit grek në Ankara për një takim mbi Masat e Ndërtimit të Besimit. /sarandacity/
