Në mbledhjen e radhës, Komitetit Teknik i mëshoi rritjes galopante të infektimeve, ku po preket kufiri 2000 në ditë, por që kjo nuk është kështu për ndryshim masasg nga ato ekzistuese.
Mira Rakacolli, në krye të Komitetit, argumetoi se masat aktuale kufizuese janë të mjaftueshme për të përballuar situatën shëndetësore në vend, ku ora policore pra do të vijojë të jetë nga 23:00 deri në 06:00.
Sipas Rakacollit, hyrja në vend do të vijojë të jetë e kontrolluar duke paraqitur green pass ose testin PCR 72 orë në kufi, ose testin e shpejtë 42 orë.
Por si paraqitet situata e vaksinimit?
“Kemi pasur shifra të larta të vaksinimit të kësaj jave me dozën e parë, rritje e dyfishtë, ndërgjegjësim më të lartë. Kemi arritur 52% të të vaksinuarve me dozën e parë, 47% me të dyja dozat dhe 7.7% me tre doza. Duhet më tepër, po të shikojmë shfrytëzimin e vaksinave duket se është maksimal”, u shpreh nga ana tjetër Silva Bino nga Instituti i Shëndetit Publik. /tesheshi.com/
