Paskan ekzistuar nën regjimin komunist raste kur një i dënuar me akuzë politike qenka shpallur më pas i pafajshëm. Së paku është fjala për një të tillë, i cili lidhet me një emër nga Bregu, qepariotit Andre Varfi.
Në një biografi për të me rastin e ditës së lindjes, publikuar nga Arkiva Shtetërore, evidentohet dhe ky fakt, duhet thënë i rrallë.
Ai paska kontribuuar fillimisht për regjimin, më pas është dënuar si agjent, por që ka marrë pafajësinë dhe ka vijuar jetën normale.
“Më datë 21 shkurt 1914, u lind në Qeparo shkrimtari, publicisti dhe përkthyesi, Andrea Varfi.
Mësimet fillore do t’i merrte nga mësuesi i së parës shkollë shqipe të fshatit, mentori i tij i përhershëm, i ati Epaminonda Varfi. Prirjen për të shkruarin, e zbuloi në mbarim të shkollës së mesme tregtare të Vlorës, në vitin 1932.
Mbaroi degën klasike të gjimnazit në Tiranë, në vitin 1935. Studimet e larta i ndoqi në Universitetin e Peruxhias, në Fakultetin e Shkencave Agrare. Pas përfundimit të angazhimit të tij akademik, në vitin 1941, u kthye në atdhe.
Varfi ka kontribuar në Luftën Nacional-Çlirimtare. Në vitin 1945, u emërua në krye të nënndarjes për çështje kulturore dhe propagandistike, në dikasterin e Bujqësisë.
Në vitin 1947, vuajti për dy vjet dënimin e dhënë nën akuzën e bashkëpunimit me agjenturën angleze. Pas shpalljes së pafajësisë, nisi të punonte në shtëpinë botuese ‘Naim Frashëri’ dhe më pas në Lidhjen e Shkrimtarëve.
Krahas krijimtarisë artistike gjatë kohës së luftës, Varfi lëvroi edhe në poezi e prozë satirike, në intervalin e vjetëve 1952-1960.
Në letrat shqipe, ka lënë gjurmë edhe përmes përkthimeve dhe studimeve të tij të shumta. Varfi përshtati në gjuhën e sotme veprat kryesore të De Radës, sikurse ishin: ‘Serafina Topia’, ‘Rrëfime të Arbërit’, ‘Këngët e Milosaos’ etj.
Ndërrroi jetë më 18 shtator 1992.
Në kartën postale që shihni bashkëngjitur, Prof. Mario Marinucat nga Peruxhia, i lutet Varfit t’i dërgojë sa më shpejt dokumentet e tij për pjesëmarjen në konkursin mes diplomatëve më të mirë”, shkruhet kështu për Andrea Varfin. /sarandacity.al/
458975 686080Hey, you used to write great, but the last couple of posts have been kinda boringK I miss your super writings. Past several posts are just a bit bit out of track! come on! 506211