Paga e të gjithëve në shesh: si dhe pse?

Gurguleja e radhës mediatike, si dhe politike gjithashtu, është jo mbi rrjedhjen e një database me të dhënat e pagave për qindra shtetas shqiptarë në sektorin publik e jo vetëm, përfshirë dhe krerë të shtetit.

Lista e pagave e 637 personave, duke nisur që nga presidenti e kryeministri, një dokument në formatin Excel, është duke qarkulluar në rrejete, duke përbërë kështu një shkelje flagrante të të dhënave personale të qytetarëve.

Disa media po publikojnë paga pëkatëse e disa jo. Kjo ka bërë që Prokuroria e Tiranës të nis menjëherë hetimet për Drejtorinë e Tatimeve dhe Sigurimet Shoqërore, pasi dyshohet që prej aty mund të ketë rrjedhur informacioni. Gjithçka të zbardhet nga hetimet.

Nga opozita, është akuzuar qeveria për këtë precedent, duke e lidhur këtë me patronazhistët.

“Sot, ne të gjithë jemi ndodhur përballë një skandali të përmasave të jashtëzakonshme. Qeveria e Edi Ramës ka nxjerrë në pazar pagat e mbi 630 mijë qytetarëve, shtetas shqiptarë dhe të huaj që punojnë në Shqipëri.  Të dhënat personale dhe sensitive të mbi 630 mijë qytetarëve gjenden sot të publikuara në rrjetet sociale dhe në duart e çdokujt që përdor aplikacionin e ëhatsapp-it”, tha Enkelejd Alibeaj nga PD, pa sqaruar se përse do e bentë qeveria këtë gjë. Pra, cili do qe interesi.

Reagoi dhe Meta, gjithnjë në pozita anti-qeverisëse:

“U njoha nga mediat për daljen në publik, të një liste me të dhënat sensitive personale të 637,138 qytetarëve të punësuar, në shkelje flagrante të lirive, të drejtave dhe dinjitetit njerëzor, të ligjeve dhe të Kushtetutës, një rast paligjshmërie i përsëritur, pas skandalit të patronazhistëve.

Të dhënat personale të çdo shtetasi, që depozitohen në institucionet publike dhe që administrohen në bazat e të dhënave shtetërore, janë personale, mbrohen me ligj dhe kanë për qëllim përdorimin e tyre vetëm për interesin e shtetasve dhe të shtetit.

Çdo lloj përdorimi i ndryshëm i tyre është akt kriminal, që rrezikon paqen sociale duke cenuar sigurinë private të çdo qytetari”, tha kreu i shtetit, më shumë në pozita politike opozitari. /sraandacity.al/