Kryeministri Rama ofroi pamjet 3D të një tjetër Lungomareje, nr. 3, po në Vlorë, në atë që është mrekullisht ndër pjesët më të ruajtura të bregdetit të Jonit në afërsi të qendrave urbane, Radhimë – Orikum.
Është një aks ku duke ecur rrugës me makinë shijon dhe detit në krah, në një distancë të afërt, përgjatë disa kilumetrave, diçka gati e pamundur në shumë pjesë të bregdetit shqiptar, pikërisht nga ndërtimet e shumta.
Pra, veçon vetëm Vlora, ku dhe ndërtimet e reja, ato të Ujit të Ftohtë, nuk e kanë cenuar pamjen e detit dhe janë përgjithësisht uniforme.
“….Dhe me projektin e “Lungomare 3″, përgjatë vijës bregdetare Vlorë – Radhimë – Orikum, ku fillimvitin e ardhshëm ngrihet kantieri i një tjetër transformimi rrënjësor urban, ekonomik e social, ju uroj një ditë të mbarë”, shkruan i pari i qeverisë. /sarandacity.al/
https://youtu.be/bOpXYQrBiEo
