Pamje: një “mister” ende i pazgjidhshëm në Turizëm – Çukë

Është një vend në aksin Turizëm – Çukë ku gjithnjë trotuari është i zënë pranë një koshi mbeturinash, jo me mbeturina klasike, as me inerte, por me degë apo gjethnaja pemësh.

Aty, gati në çdo orë të ditës, edhe për shkak të ngushtësisë së trotuarit, kufizimit me kazanin dhe murrin rrethues të “Bougainville Bay”, është gati e pamundur të kalohet. Pra, duhet të zbresësh në rrugë, ku ka dhe një qarkullim të dendur automjetesh.

Mbetet “mister” se kush e zë trotuarin aty në atë formë dhe me atë lëndë dhe pse kjo situatë është e gjithmonshme dhe pa zgjidhje. /sarandacity.al/