Një turiste e ka pësuar keq nga hezitimi për t’u hedhur në ujë nga një lartësi, ndodhur kjo në rajonin Fiord di Furore të Italisë. Ajo humbi ekuilibrin dhe u përplas me shkëmbinjtë para se të përfundonte në ujë.
Videoja është regjistruar nga një australian i cili mund të dëgjohet duke komentuar në video pse turistët duhet të marrin sigurimin e udhëtimit.
“Në episodin e kësaj jave se pse duhet të jesh i sigurt si udhëtar, ne kemi një grua që nuk e ka idenë se sa i ftohtë është uji”, dëgjohet të thotë burri australian që regjistron videon.
Disa sekonda më vonë, megjithatë, edhe ai habitet nga kthesa dramatike që mori zhytja e femrës së paidentifikuar, ndërsa në video dëgjohen britmat e dëshmitarëve okularë.
Siç shihet në video, turistja bie mbi shkëmbinj, ku australiani që regjistroi pamjet shprehet se “u desh një orë për ta futur në ambulancë”. /sarandacity.al/
