Policia publikoi pamjet e një vjedhje spektakolare të një valixheje me para, por që edhe e zbuloi si rast.
Dy persona, një 36-vjeçar me të dashurën janë shpallur në kërkim nga policia për vjedhjen e një valixheje me rreth 18 milionë lekë dhe bizhuterish floriri.
Sipas Policisë, Lefter Dauti, që njihej edhe me emrat Spartak dhe Korab, sapo më mësuar se kushërira e tij me inicialet K. Gj. do të udhëtonte nga Peshkopia drejt Tiranës me një valixhe me para, organizoi skemën e vjedhjes së bashku me të dashurën e tij Qamile Hakorja, 26 vjeçe. Në çantë ndodheshin 1.400.000 lekë të rinj, 2770 euro, 340 paund dhe bizhuteri floriri.
E dashura e organizatorit është paraqitur si udhëtare në linjën e furgonit me të cilin do të udhëtonte kushërira e 36-vjeçarit dhe pasi ka zbritur në Tiranë ka marrë edhe valixhen me pretendimin se ishte e saj. Kamerat e sigurisë kanë fiksuar momentet kur e dashura e organizatorit lëviz me çantën që kishte lekët brenda, pamje të publikuara nga Policia.
Pas denoncimit të kushërirës, policia ka arritur që të zbulojë hajdutët duke sekuestruar 1.400.000 lekë të rinj, 2770 euro, 340 paund dhe disa bizhuteri floriri.
Në kërkim vijojnë që të jenë 36-vjeçari me të dashurën. /tesheshi.com/
https://youtu.be/VDI-CPWaNwo
