Nën njoftimin zyrtar policor mbi një ngjarje në Dhërmi, përmendet plumbi por jo papagalli i qëlluar e i vrarë në oborrin e shtëpisë, siç pretendohet nga të zotët.
“Më datë 22.10.2021, në oborrin e banesës së shtetases I. B., 67 vjeçe, banuese në Dhërmi, është gjetur dhe sekuestruar 1 predhë fisheku luftarak.
Grupi hetimor ndodhet në vendngjarje dhe po punon për sqarimin e plotë të rrethanave të ngjarjes”, thuhet në njoftim.
Fjala për rastin e shtetases Irini Buas, e cila e ka marrë atë që ka ndodhur si kërcënim.
Ajo është ndër ato që ka denoncuar se i është bërë vjedhje pronash në bregdet, ku sipas saj, protagonist është ish-deputeti Alket Hyseni. Por ky i fundit e ka rrëzuar këtë pretendim. /sarandacity.al/
