Ministri grek i Turizmit, Haris Theocharis paralajmëroi një hapje të të gjithë kufijve tokësore të Greqisë, me shkak ardhjen e turistëve për sezon, gjë që do të ndodhë në datën 14 maj.
“Ne do të hapemi më 14 maj. Ne do të hapim të gjitha vendkalimet tokësore, në mënyrë që të mos kemi vështirësitë që kemi pasur vitin e kaluar”, tha Theocharis dhe shtoi se “testet në aeroporte do të jenë më të shpejta dhe nuk do të na duhen njëzet e katër orë më vonë për t’i marrë turistët nga hotelet ku janë akomoduar dhe për t’i dërguar në hotelet e izolimi siç janë quajtur ndryshe. Kjo sepse ne do të jemi në gjendje ta bëjmë izolimin direkt në aeroporte dhe të jemi shumë më të sigurt. Ose, përkatësisht, nëse dikush vjen me makinën e tij në kufirin rrugor, ai do të jetë në gjendje të kthehet në atdheun e tij nëse dikush nga familja do të gjendej pozitiv”.
Pra, sipas shpjegimit të qeveritarit grek, Qafë Bota do rihapet në këtë datë, por nuk dihet edhe nëse Korfuzi.
Gjithsesi, derisa është fjala për ardhje turistësh, me gjasë do hapet dhe kjo pikë detare me fluks vajtje – ardhjesh. /sarandacity.al/
