Bill Gates beson se mund të ketë një kthesë në pandeminë aktuale, atë COVID.
“Shkalla e vdekshmërisë dhe infeksionit mund të bjerë nën nivelet e gripit sezonal nëse shtame të reja, më të rrezikshme nuk shfaqen ndërkohë”, tha Gates për Bloomberg.
Ai beson se me imunitetin natyror, imunitetin nga vaksinat dhe barnat e reja orale, “shkalla e vdekshmërisë dhe shkalla e sëmundjes duhet të bjerë mjaft”.
Gates beson se kufizimet për vaksinimin kundër COVID-19 në botë do të ndryshojnë vitin e ardhshëm, pasi problemet e furnizimit po trajtohen dhe po zëvendësohen nga pyetjet se si të shpërndahen të gjitha në mënyrë logjistike.
“Vaksinat janë një lajm shumë i mirë dhe kufizimet e furnizimit do të zgjidhen në masë të madhe kur të dalim në mesin e vitit të ardhshëm, kështu që do të jemi të kufizuar nga logjistika dhe kërkesa,” tha ai.
Gates shton se ende nuk është e qartë se çfarë do të jetë kërkesa në disa vende, veçanërisht në zonën e Afrikës Sub-Sahariane.
Një nga njerëzit më të pasur në planet vëren se bota gjithashtu duhet të punojë për zhdukjen e gripit në mënyrë që të zvogëlojë kërcënimet e pandemive të ardhshme. /tesheshi.com/
