Që nga e mërkura, një banor i Sarandës në Kodër është në hall prej një makinë që i ka zënë derën e shtëpisë, duke u parkuar buzë saj. Pra, prej 5 ditësh ai hyn e del më siklet,
nga një i marrë ende anonim që s’ka dashur t’ja dijë për të drejtën e tjetrit që të hyjë e dalë normal nga banesa e tij.
Qytetari në hall i është drejtuar si Policisë Bashkiake e si asaj të Rendit(Rrugores), duke u kërkuar ta heqin makinën jo thjesht të parkuar gabim, por të dy instancat ligjzbatuese “nuk guxojnë” ta prekin, siç në fakt jua kërkon qytetari i irrituar A. B.
Makina rezulton të jetë e dhënë me qera dhe Policia thjesht i ka vënë një gjobë 15 mijë lekëshe, por A. B. nuk i duhet ndëshkimi me gjobë, i duhet që makina t’i lirojë pragun e derës. Edhe sikur paratë e gjobës t’i merrte ai vetë e jo shteti, ai nuk do i donte përballë hallit që e ka zënë, me makinën që i ka zënë derën. Kjo sepse edhe Policia s’i përgjigjet në këtë pikë. Në fakt duhet t’i
përgjigjet; të gjejë një karroatrec, pasi siduket nuk ka, e ta heqë automjetin zaptues që aty, duke i kthyer qytetarit të drejtën e rrëmbyer për të hyrë e dalë si njeri nga shtëpia e tij. Koston t’ja ngarkojë zaptuesit në formë gjobe.
Paradoksi vijon kur ndërsa A. B. i thotë Policisë se do e heqë vetë, kjo e fundit i thotë se s’mund ta bëjë këtë gjë.
Hë, si të veprojë njeriu i shkretë?! /sarandacity.al/
Thanks for sharing. I read many of your blog posts, cool, your blog is very good.