Një park argëtues për fëmijë e shlodhës për prindër e gjyshër, duket se nuk ka qenë “për fushatë”.
Ndërtuar në kohë fushate, pra në periudhën mars – prill, në të hyrë të pranverës së këtij viti, përurimi është bërë tani, në vjeshtë.
Me një ceremoni të thjeshtë, u pre shiriti i këtij parku jo fort të madh, por me sadopak vlerë praktike e sidomos simbolike, për të shfrytëzuar çdo hapësirë të mundshme, madje çdo zgeq urban në qytet, për ta shndërruar në një terren kreativ.
“Kryetari i Bashkisë Z.Adrian Gurma së bashku me CEO-n e Raiffeisen Bank për Shqipërinë z.Christian Canacaris, përuruan parkun publik në lagjen nr 4, pranë stadiumit të qytetit, investim ky i realizuar nga Raiffeisen Invest.
I dhurojmë qytetit dhe komunitetit të kësaj lagjeje, një hapësirë të re çlodhëse dhe argëtues e cila, deri para pak kohësh ishte në gjendje të rrënuar dhe e lënë në harresë
Mbajmë premtimet duke vazhduar me projekte të ngjashme në të ardhmen, në cdo hapësirë të teritorri”, thuhet nga Bashkia, ku veçon fraza e njohur politike e mazhorancës “mbajmë premtimet”.
Ndërkohë duhet thënë se disa inisiativa të Bashkisë për parqe të tilla brenda lagjeve kanë hasur në problematika të mprehta pronash, duke pamundësuar realizimin e tyre. /sarandacity.al/
