Pasuria plot dyshime e Sali Hasës: ja çfarë u tha në vettingun ndaj tij

Në seancën për Sali Hasën në KPK, ish-prokurorin e Sarandës të ndodhur nën arrest që nga 19 qershori, u trajtua dhe pasuria e tij. Aty u tha se se ka deklarim të pasaktë dhe të pajustifikuar të pasurisë, duke u dhënë dhe detaje.

Hasa rezulton të ketë pasur një shtëpi në Kavajë, e cila është shitur në vitin 1998. Gjithashtu, truall 500 m2 në Kavajë dhe 130 m2 karabina në vlerën 2 milionë lekë, por ka mungesë në justifikimin e ndërtimit të saj.

Subjekti ka deklaruar se sipërfaqja është blerë 400 mijë lekë në vitin 1998. Për këtë pasuri rezultojnë dy kontrata blerjeje me vlera të ndryshme 400 dhe 500 mijë. Në 2004 pasuria arë është shitur, por jo pasuria karabina 130m2. Nuk u provua ndërtimi i kryer pa leje dhe vlera e saktë e ndërtimit.

KPK konstaton mungesë dokumentacioni për ndërtimin e objektit, që sipas eksperteve ka vlerë 3,6 milionë lekë. Është e dyshimtë mospërfshirja e godinës në kontratën e shitjes së pasurisë në vitin 2004. Subjekti ka pasur mungesë burimesh financiare për këtë pasuri.

Apartament 163 m2 në Durrës, për të cilin ka mungesë të burimeve financiare për blerjen e tij me një çmim prej 50 mijë dollarësh, në Durrës në vitin 2001. Mbetet e paqartë periudha e likuidimit të kësaj shume.

Subjekti ka nisur punën si prokuror në vitin 2004. Në vitin 2005 ai ka deklaruar shtëpi banini 153 m2 në Durrës.

Subjekti ka bërë deklarime kontradiktore nëpër të gjitha deklaratat.

Në deklaratën e tij të parë në ILDKP, subjekti nuk ka deklaruar detyrimet për blerjen e apartamentit. /sarandacity.al/