Anastas Angjeli, ish-ministër i Nanos i sulmuar rëndë nga Berisha dikur si “mamuth korrupsioni”, jo nga Berisha personalisht por nga njerëz pranë tij në PD, është konsideruar si njeriu adapt për të qenë në Këshillin Mbikqyrës së Bankës së Shqipërisë.
Kujtojmë se në këtë këshill është dhe ish-ministri demokrat i financave dhe ekonomisë, Ridvan Bode, vlerësuar nga pala kundërshtare, ndërkohë që PS hoqi prej aty ish-ministrin e saj Arben Malaj, pasi ku i fundit nisi në një sulm publik në rrjete ndaj Erion Veliajt, por dhe partisë së tij.
Por më interesant në këtë zhvillim është ndryshimi i qëndrimit për Anastas Angjelin, deri vonë deputet i PS-së, pra aktiv në politikë dhe në qeverisjen “Rama”, por jo në nivele të larta vendimmarrëse.
Gjatë një seance dëgjimore në komisionin e ekonomisë, me kandidatë të vetëofruar për vendet vakante të Këshillit Mbikqyrës të Bankës, Angjeli, duke e synuar një vend të tillë, tha se ai mund të jepte një kontribut në përmisimin e kuadrit ligjor të Bankës, që siç tha, është ai i vitit 1997.
Kështu, ai morri një vlerësim nga Edmond Spaho i PD-së, që tha se “z. Anastas Angjeli është kandidaturë ekselente për këtë pozicion”.
Kujtojmë se Anastas Angjeli, nga fshatrat e minoritetit në Sarandë, ka qenë në fillimet e tij politike edhe deputet i Sarandës. /sarandacity.al/
