E ndërsa Partia Demokratike ka hyrë në një nga fazat më vendimtare të saj, në atë që shumëkush mund ta cilësojë “jetë a vdekje”, të shumta kanë qenë reagimet e drejtuesve apo kandidatëve ndër vite të kësaj force politike.
Edhe pse në sy pak a shume bien vetëm ata që i janë bashkuar Foltores së Sali Berishës, ka nga ata që në rrjete sociale janë rreshtuar krah linjës zyrtare të PD, kryesisht ata me funksione drejtuese në degën lokale.
Çuditërisht, asnjë reagim nuk ka pasur lidhur me situatën, qëndrimin që mbajnë për Berishën apo Bashën, problemet e PD-së në tërësi etj., nga dy prej ish-kandidatëve të Partisë Demokratike në Sarandë.
Bëhet fjalë për Kreshnik Bozhon, kandidat për Kryetar Bashkie në Sarandë në 2015-ën dhe Jolio Dine, kandidat për deputet në 2017-ën dhe 2021-shin.
Pas zgjedhjeve të 25 prillit, dy prej figurave kryesore të demokratëëve në Sarandë, thuajse janë “zhdukur” nga e përditshmja politike dhe nuk janë parë jo vetëm në asnjë aktivitet të PD-së, por as në reagime politike në faqet e tyre në rrjetet sociale.
Sarandacity mëson se Bozho dhe Dine janë anëtarë të Këshillit Kombëtar të PDSH, pra e kanë një mandat delegati, si për 11-ën ashtu dhe për 18 dhjetorin, por mesa duket kanë zgjedhur një pozicion disi të tërhequr në këtë “arenë lufte” politike brenda kampit opozitar.
Kujtojmë që Bozho kandidoi përballë Floriana Kokës në 2015-ën duke siguruar rreth 7200 vota, ndërsa Dine ishte dy herë kandidat në listën shumëemërore të PD-së në Qarkun Vlorë, ku në zgjedhjet e fundit siguroi mbi 2100 vota personale. /sarandacity.al/
696065 330658Overall, politicians are split on the problem of whether Twitter is more for business or private use. The initial thing could be the fact that you can build up quite a large following of individuals. 534123
383220 621948Spot lets start work on this write-up, I truly believe this fabulous internet site needs a fantastic deal far more consideration. Ill apt to be once again to learn far more, appreciate your that information. 54987