Ministrja Balluku premtoi sërish se segmenti Kardhiq – Finiq do jetë gati para nisjes së sezonit të ardhshëm turistik.
Pas një inspektimi në Tunelin e Skërficës, ajo shkroi:
“Kanë përfunduar gërmimet në të gjithë gjatësinë e tunelit, ndërsa po punohet për të gjithë elementët e tjerë të cilët garantojnë sigurinë dhe menaxhimin e tij. Aksi Kardhiq-Delvinë do të jetë gati për qarkullimin e automjeteve para sezonit të ardhshëm turistik duke lehtësuar qarkullimin e shkurtuar distancën drejt bregdetit të Sarandës”.
Më parë ajo tha se “ne shpresojmë shumë që kjo vepër të përfundojë para afatit kontraktual, i cili është gusht 2022. Kemi marrë një premtim nga kompania, edhe nga ARRSH që do dorëzohet në fillim të sezonit, gjatë muajit qershor të vitit tjetër duke e bërë kështu të aksesueshĕm dhe duke krijuar komoditet jo vetëm për banorët e të dy zonave, por edhe të gjithë turistëve që do të kenë mundësi të vizitojnë edhe Gjirokastrën, edhe Tepelenën edhe bregun gjatë pushimeve verore”, deklaroi ajo. /sarandavity.al/
