Përkujtimi, rrëfimi dhe përkimi: nga Gjermania në Nivicë, për masakrën e gjermanëve!

Dje, në Hundrovun të Nivicës u përkujtua 77-vjetori i një masakre që, sipas veteranëve sarandiotë, nuk ishte vetëm gjermane por gjermano-balliste.

Tek memoriali dhe lapidari të ngritur enkas për këtë ngjarje, morën pjesë veteranë dhe pasardhëës veteranësh, si dhe Kryetarja e Komitetit te Veteranëve për Sarandën, Neriman Gjivogli.

Të pranishmit folën për përmasat e kësaj masakre, duke e trajtuar si të pashembullt jo vetëm për Sarandën por dhe për mbarë vendin.

Po si dhe kur ndodhi kjo masakër?

Pas goditjeve të rënda që ushtria gjermane me bashkëpunëtorët e tyre ballistë morën gjatë operacionit të qershorit 1944 nga forcat partizane të Bregdetit, komanda gjermane u hakmor duke grumbulluar rreth 200 djem e burra nga mosha 18 deri 60 vjeç në kishën e fshatin Shën Vasil.

Të nesërmen e datës 23 qershor 1944, të gjithë të arestuarit i nxorrën në sheshin e fshatit tek rrapi dhe veçuan niviciotë dhe shenvasiotë.

Në këtë grumbull njerzish ishin dhe ushtarë italianë e te tjerë nga fshatrat e Bregut, gjithsejt 48 veta, te cilët i çuan në vendin e quajtur Hundrovun, ju dhanë nga një kazëm dhe hapën një gropë të madhe (varri masiv) ku me pas i pushkatuan.

Nga turma gjatë pushkatimit, mundi të ikte një djalosh, por që e vranë rreh 200 m larg vendit të masakrës.

Nga fshati Nivicë u pushkatuan 19 veta, nga Shën Vasili 10 veta, 2 nga Qeparoi dhe të tjerët të paidentifikuar.

Në këtë takim mori pjesë dhe Barba Stillua 97 vjeç, dëshmitari okular i kësaj ngjarjeje.

E veçanta e këtij takimi ishte se në krah të veteranit, ishte dhe mbesa e tij Ilira Aliaj e erdhur nga Gjermania, me një interes të veçantë për përjetimet e gjyshit të saj në këtë vrasje massive me autorë gjermanët, një përkim ky shumë ironik. /sarandacity.al/

https://youtu.be/NJ9yTWeTZ8w