Debatet televizive me fokus politikën ofruan përplasjen verbale të radhës. Protagonistë ishin një vlonjat dhe një mirditor.
Në Opinion, pati një acarim mes dy demokratëve, deputetit vlonjat Agron Shehaj dhe ish-deputetit mirditor Mark Marku.
Ky i fundit, i njohur për frazat e shkujdesura, iu drejtua Shehajt me fjalët matrapaz, jo si fyerje e drejtpërdrejtë, por duke tentuar të godasë biznesmenët në politikë. Shehaj është njëri prej tyre.
Marku: Unë mendoj që një matrapaz nuk duhet të bëhet kryetar partie
Shehaj: Je në vete ti o profesor? Është mirë ky? Për kë e ke fjalën, unë jam matrapaz? Ku merr vesh nga tregtia ti o Mark, ti je marrë me mashtrues.
Marku: Po, ti je. Je tregtar. Nuk duhet një biznesmen në politikë, pikë. Politikanët s’duhet të jenë biznesmenë. Vetëm Trumpi është marrë…
Shehaj: Shumica e presidentëve të SHBA vijnë nga biznesi. Kështu e mendon ti. Kujt i plasi? /tesheshi.com/
