Në 11-vjetorin e tragjedisë së 21 Janarit me katër jetëhumbje pranë Kryeministrisë, kryeministri Rama potencoi ata që në gjykimin e paekuiviok të tij janë autorë të marrjes së katër jetëve.
“Fajtorët e vërtetë për ato vrasjen gjenden njëri në Foltore dhe tjetri pas dyerve të blinduara, që synon të mbajë bravën e SHQUP-it”, u shpreh kryeministri, duke aluduar në Bashën dhe Berishën.
Më tej, ai tha se qeverisja e tij e ka bërë detyrën për të sjellë drejtësi për katër jetëhumbjet.
“Unë besoj se ne e kemi shlyer atë pjesë të detyrimit që na takon me dëshmorët e 21 janarit, dhe këtu nuk e kam fjalën për shpalljen dëshmorë, por e kam fjalën për Reformën në Drejtësi. Për Reformën që denigrohet përditë nga armiqtë e saj. Foltore më foltore, bravë më bravë, portal më portal, sallon më sallon, por që është pa asnjë dyshim guri i themelit i munguar në këtë shtet. Drejtësia nuk ka qenë kurrë drejtësi.
Në këtë vend njerëzit kanë pritur shumë. Kur vjen fjala te drejtësia, të kërkosh drejtësi bëhet fjalë për fjalë për një sakrificë të madhe. Unë jam i pari. Kanë kaluar shumë vite duke pritur për drejtësi. Mua mund të më shfryheni sa të dëshironi, nuk ka asnjë problem, unë i mirëpres të gjitha. E bëj këtë se kam një respekt shumë të madh për ata që më kanë sjell këtu.
Nuk është se asgjë nuk ka ndodhur. Po pastrohet masivisht llumi i paparë në sistemin e drejtësisë. Ai llum gjykatësisht dhe prokurorësh që kanë qenë ekzekutorët e drejtësisë, e kanë shitur sipas qejfit. Vettingu vazhdon, llumi nuk mbaron. Gjykatësit dhe prokurorët që janë pjesë e këtij llumi se nuk u ka ardhur radha, vazhdojnë akoma”, argumentoi Rama.
Ai tha se nuk mund të bënte atë që kërkonin njerëzit, të cilët nuk merrnin në konsideratë sistemin ku jetojmë.
“Nuk jemi në 1945. Ka akoma dhe sot njerëz që ma kërkojnë mua. Të bëj hetime, të bëj gjyqe, të bëj arrestime. Si mund të ndodhi kjo? Vetëm duke e kthyer orën mbrapa. Kjo nuk mund të ndodhë”, u shpreh ndër të tjera Rama. /tesheshi.com/
