Ka humbur jetën në orët e para të mëngjesit Gjergji Piro, 50 vjeç, banor i fshatit Gjashtë.
Në datën 1 prill, pasi ishte duke ecur normalisht në rrugë, papritur është rrëzuar dhe ka filluar të nxjerrë shkumë nga goja.
Kalimtarët aty pranë menjëherë kanë njoftuar ambulancën. Sipas bluzave të bardha personi, i identifikuar si Gjergji Piro, 50 vjeç, pësoi hemorragji cerebrale.
Pas ndihmës paraprake dhënë në spitalin e Sarandës dhe duke parë se gjendja ishte e rëndë stafi mjekësor vendosi transportimin e tij drejt Tiranës me helikopter.
Gjergji Pirro, prind i dy fëmijëve, ishte biznesmen në këtë fshat dhe merrej me tregtinë e materialeve të ndërtimit.
Stafi i Sarandacity.al i shpreh ngushëllimet familjes Piro për humbjen e të dashurit të tyre. /sarandacity.al/
