Nëpër biseda tavolinash me njerëz me peshë në jetën publike të qytetit, një temë ka qenë më prezente: pse qyteti jonë nuk ka shumë doktorë specialistë?
U bë më e theksuar kjo sidomos gjatë kandidimit të doktor Niko Kurit në zgjedhjet e fundit elektorale, ku mendohej se ai, pasi të bëhej deputet nuk do të vazhdonte më të kryente funksionin e tij si mjek.
Dhe kjo po ndodh deri më tani, së paku pa u futur ende në parlament, edhe pse ka futur në xhep mandatin.
Ministrja e Shëndetësisë dhe Mbrojtjes Sociale ka dhënë dje lajmin që mjekë specialistë do t’i shtohen spitalit të Sarandës.
“Spitalet e Fierit, Durrësit, Vlorës, Korçës, Dibrës, Gjirokastrës, Sarandës, Kukësit, Mirditës, Pogradecit, Lezhës dhe Shkodrës do të mirëpresin 39 mjekë specialistë, të cilët sapo kanë nënshkruar kontratën 3-vjeçare me Ministrinë e Shëndetësisë“, është shprehur Manastirliu në Facebook.
Sidomos gjatë sezonit turistik, duke pasur parasysh dhe kohën pandemike që jetojmë, mjekë specialistë që i shtohen bluzave të bardha në Sarandë janë shumë të domosdoshëm. /sarandacity.al/
