jiganti amerikan i farmaceutikës, Pfizer, përuroi sot në Selanik qendrat për Inovacionin Digjital dhe Operacionet e Biznesit dhe Shërbimet. Investimi do të kontribuojë me 650 milionë euro në ekonominë e qytetit verior dhe do të krijojë vende të reja pune.
Shefi ekzekutiv i Pfizer, Albert Bourla, tha se investimi është në përputhje me politikën reformatore të Greqisë, e cila parashikon që burimet nga Fondi i Rimëkëmbjes i BE-së të kanalizohen në inovacion, eksporte dhe rritje të qëndrueshme.
Siç raportohet nga Kathimerini, të dy qendrat do të punësojnë 700 punëtorë shumë të kualifikuar, ndërsa më shumë se 50 të rinj, 15% e stafit, janë grekë që kthehen në Greqi për punë pas disa vitesh.
Bourla, i lindur vetë në Selanik, dhe zhvilluesi i një prej vaksinave më të mira në botë anti-COVID, është pjesë e Pfizer që nga viti 1993. /sarandacity.al/
