Piro Dhima përgënjeshtroi zërat për brakrisje të nënës, pasi u shfaq në varrimin e saj këtë të shtunë në Himarë, ardhur direkt nga SHBA, pasi lajmit se Lefteri Dhima, 75 vjeçe, u gjet e pajetë në shtëpinë e saj.
Ish-peshëngritësi i famshëm shqiptar, shndërruar më pas në grek, tha se ai kishte komunikim normal me nënën dhe se e kish lutur atë për të ardhur te ai në Amerikë.
Të afërmit thanë se edhe pse jetonte vetëm, 75-vjeçarja ishte në gjendje të mirë shëndetësore dhe kishte bërë të dyja vaksinat.
“Nëna e Piro Dhimës ka qenë në gjendje të mirë shëndetësore. Para një muaji ka qenë në Himarë djali i vogël. I ka kërkuar ta marr me vete, por ajo i ka thënë që do ziente një herë rakinë. Kishte bërë dhe vaksinat të dyja së fundmi.”
“Zonjën e kisha kushërirë. Me shëndet kishte ca sëmundje si të pleqërisë. E kishte bërë vaksinën. Ishte vetëm. Nga zemra iku, pati infarkt. Të gjithë vetëm jemi.”
“Kam tre fëmijë, jam me diabet, me të gjitha sëmundjet. Vetëm jetojmë me burrin. Të martën ishte me mua në darkë. Më tha do vij prapë. Të vish i thashë. Ishte goxha zonjë. Dy djem ka, njërin e kishte në Amerikë po shyqyr u ndodh në Athinë. Me fëmijë dhe pa fëmijë ja kështu do vdesim të gjithë, të jemi mirë. Kur nuk i ke fëmijët nuk je mirë.” /tesheshi.com/
