Ditë pas ishte në Shqipëri, në Himarën e tij për të varrosur të ëmën që i ndërroi jetë në vetmi, ish-kampioni Pirro Dhima ka folur sërish për eksperiencën e tij të ikjes nga Shqipëri drejt Greqisë afro 30 vite më parë.
Ai mbushi 50-vjeç dhe, në një intervistë për mediat greke ka rrëfyer sfidat për të mbërritur deri në majën e Olimpit, duke u bërë i famshëm dhe ndërkombëtarisht si kampion grek.
Pirro, atleti më i suksesshëm në historinë greke me katër medalje olimpike (3 ari, një bronz), 6 medalje ari në kampionatet botërore dhe tre në Europian (një total prej 26 medaljesh në të gjitha garat) me disa rekordeve botërore zbuloi kujtimet, shkruan gazzetta.gr.
Ai mbërriti në Greqi në 7 shkurt 1991, në një “arratisje” aventureske. Dhe kjo, sepse nisi në 1 të mëngjesit nga Tirana me një taksi, për të mbërritur në Athinë pas rreth 14 orësh.
“Ishte shkurt i ’91 kur hipa në një taksi për të ardhur nga Tirana në Athinë. Isha gati të fluturoja, por fluturimi u anulua. Mora një taksi për në Kakavi dhe prej andej një taksi tjetër për të arritur në Athinë.
Kur erdhën prindërit e mi, morëm apartamentin në Solonos, gjysmë bodrum”, kujton Pirro Dhima
Edhe kur mbërriti në Greqi, derisa hipi në aeroplan për në Barcelonë për në Lojërat Olimpike, nuk e dinte nëse do të ishte në gjendje të garonte. Kjo sepse ai mori pasaportën në minutën e fundit. Dhe në një mënyrë që është ngulitur fort në kujtesën e tij.
“Për të qenë në gjendje të garoja në Barcelonë, së pari më duhej të kualifikohesha. Federata e Shqipërisë më kishte dhënë leje për t’u transferuar në Greqi.
Unë shkova të konkurroja me një pasaportë diplomatike dhe mora kualifikimin. Por unë e mora pasaportën në minutën e fundit. Pak para se të hipja në aeroplan, shoferi i Mitsotakis ma solli atë”, rrëfen ai.
“Shkova në Barcelonë për një medalje, por nuk e dija se çfarë ngjyre do të ishte. Mbaj mend që kamerat erdhën në aeroport dhe kur erdhën për të më pyetur për qëllimet e mia, u thashë se po shkoja për medalje ari. Më në fund fitova medaljen e parë. Ashtu si e fundit, ato janë më të rëndësishmet në karrierën time”, tha Pirro Dhima.
“Kur u kthyem në Athinë ishte vërtetë e paparë. Moment jashtëzakonisht i madh”, përfundoi ai rrëfimin. /sarandacity.al/
