Ajo që ka troditur e po trondit më së shumti shoqërinë shqiptare nga ngjarja e rëndë në Velipojë, është vdekja e një të riu 20-vjeçar.
Quhej Musaen Zeneli dhe nuk kishte lidhje aspak me konfliktin e dy familjeve që çoi në një luftë me katër viktima e dy të plagosur.
Aty, ai sapo kishte nisur punën si kamarier, në lokalin e hotelit e Gocajve. Kishte ditën e parë. Thuhet se në xhep iu gjetën vetëm 30 lekë. Mbi të gjitha ishte jetim, pasi kishte humbur të atin pak vite më parë, i mbytur në Bunë. Jetonte në kushte të vështira ekonomike në lagjen Bahçallëk.
Siç po del, ai ndihmohej si jetim nga shoqata islame, pasi thuhet se ishte dhe besimtar praktikant.
“Musaen Zeneli, Allahu të bëftë prej banorëve të Xhenetit!
Ti prej vitesh ishe pjesë e skemës së sponsorizimit të jetimeve nga Fondacioni Islamic Relief Albania. Një fëmi shembullor, i urtë i dashur dhe mbi të gjitha i kulturuar.
Do mbetesh gjatë në memorien tonë.
Të qoftë i lehtë dheu.
Stafi i Islamic Relief Albania
Departamenti i Jetimëve”. /sarandacity.al/
