Policia Rrugore, me qëllim parandalimin e aksidenteve, thotë se vijon monitorimin me radar nga veriu në jug të Shqipërisë. Po pse e thekson këtë gjë ajo?
Eshtë vetë Policia që sqaron se pse, në fund të një apeli për drejtuesit e automjteve:
“Radarë, kamera, dronë, nga Shkodra në Gjirokastër, nga Morina në Rrugën e Kombit dhe Lezhë. Nga Fieri në Vlorë e Sarandë, nga Elbasani në Korçë dhe nga Fieri në Durrës e Tiranë.
Jo vetëm në fundjavë, por çdo ditë, jo statik, por me lëvizje.
Drejtues mjetesh: Mos fluturoni në rrugë e mos drejtoni mjetin nën efektin e alkoolit apo më keq akoma në gjendje të dehur, se kudo ka radarë, dragera kamera, polic rrugor me makina e me makina civile që monitorojnë qarkullimin e automjeteve.
Shijoni fundjavën, por mos abuzoni me rregullat e qarkullimit, konsumoni alkool, por mos drejtoni mjetin vetë, përdorni mjetet e transportit publik, se Kodi Rrugor ka ndryshuar.
Aspak qëllim sasia e gjobave, se ndryshe nuk do t’ju lajmëronim përditë se ku ka radarë, por qëllimi i Policisë është siguria e jetës dhe destinacioni juaj i sigurt! Kontribuo dhe ti, bëjmë më të mirën”, thotë Policia. /tesheshi.com/
