Një situatë paradoksale është krijuar vitet e fundit në Shqipëri, pasi shteti po lut shtetasit e vet që të punësohen në shtet, ndryshe nga skema e përfshirjes në politike për t’i siguruar vetes një rrogë shteti.
Është ministri Gonxhe që së fundi ka cekur këtë problematike, duke pranuar se problem janë pagat. Por më shumë se kaq sipas tij, është frika nga SPAK për të punuar në shtet.
“Ne do të bëjmë çmos, ju garantoj për këtë, që të ngremë pagat. Pagat janë një histori fitore-fitore. Ata sjellin një rritje të menjëhershme të konsumit. Ne kemi shumë vende pune. Unë ju ftoj të gjithëve të klikojnë në faqen e DAP-it, unë ju ftoj të gjithë të provojnë dhe njëherë tjetër të punojnë në shtet”, tha ai në një Panair Pune, duke vijuar:
“Unë e kuptoj se shumë janë të zhgënjyer. Kanë frikë për të firmosur, kanë frikë nga hetimet. Unë i kam bodrumet në depresion total se aty punonte ekonomia që kam gjetur, në bodrum. Në një shtet që vuante për ekonominë, ekonomia punonte në bodrum. Rrogat shumë të ulëta, po mundohemi t’i ngremë”. /sarandacity.al/
