Në nisje të një procesi për Presidentin e ri, atë post-Meta, Rama, si kreu i mazhorancës që ka për detyrë pikërisht të riun në krye të shtetit shqiptar, e cilësoi që është aktualisht si “më skandalozin” që Shqipëria ka patur ndonjëherë.
“Presidenti më skandaloz që Shqipëria ka pasur rastin të ketë mbi krye. Zgjedhja e Ilir Metës President ishte një zgjedhje detyrim përcaktim për ne, se nuk i kishim votat për të zgjedhur Presidentin”, arsyetoi Rama, duke theksuar se ka tjetër logjikë ishin nisur e tjetër gjë ju doli.
“Gjendeshim në një kontekst politik të jashtëzakonshëm, po të kesh parasysh se mungonte opozita zyrtare në sallë dhe vullneti dhe dëshira jonë ishte që zgjedhja jonë të binte mbi dikë që të përfaqësonte edhe opozitën. Në ato kushte në zgjodhëm një president për opozitën, por duke menduar se do të ishte dhe një president për Shqipërinë. Rrjedha e ngjarjeve tregoi krejt të kundërtën për Shqipërinë dhe për shqiptarët: një president, shëmbëlltyra më e keqe e opozitës më të keqe që ky vend ka pasur”, tha Rama.
“Sot jemi përballë një sfide shumë të madhe. Nuk duam një figurë të ngjyrosur tërësisht politikisht. Ajo që duhet të bëjmë është të bëjmë një sforoco të përbashkët duke i hapur rrugë të gjitha detyrimeve të gjithsecilit këtu. Ne nuk mund të hedhim emra që pastaj bëhen mish përtop për mediat. Ne kemi detyrimin t’ja japim njerëzve mundësinë që të shprehen për këtë temë dhe natyrisht duke përcaktuar disa piketa”, tha Rama, duke iu drejtuar të tijve në mbledhjen e grupit të PS-së. /sarandacity.al/
