Pretendimi për zaptim trualli në Ksamil, i denoncuari: Dokumenti që tregon të vërtetën

I denoncuari nga Ksamili për zaptim trualli, Gjergj Ymeraj, i ofroi redaksisë së sarandacity si provë një dokument kadastral, i cili tregon se trualli ku pretendohet se po zihet paligjshmërisht prej tij është në fakt pronë e tij.

Vërtetohet kjo pra nga dokumenti kadastral, ku thuhet se: “Në përgjigje të kërkesës tuaj nr.  4454 datë 15.04.2021, në lidhje me shërbimin zyrtar të informacionit të pronës në CZ 2297, Ksamil, Bashkia Sarandë, ju njoftojmë se duke iu referuar pjesës së hartës, preken këto pasuri: Prona nr. 5/194, vëllimi 3 faqe 21, Parcelë me sipërfaqe S = 1322m² në pronësi të Gjergji Ymeraj”.

Për Ymerajn, në sulmin ndaj është përfshirë një grup pas së cilit qëndron dhe një punonjës policie, të cilët e tentojnë atë truall. Pra, për Ymerajn, e kundërta është e vërtetë, që atij po tentohet t’i rrëmbehet prona, e së për këtë ekziston dhe një kallëzim në polici.

Ymeraj, si banor i vjetër i Ksamilit, thotë se e posedon atë pronë që nga vitet ’90, porse nuk e ka të shfrytëzuar për shkak të pamundësisë së natyrave të ndryshme. Pos kësaj, sipas tij, ata që tentojnë pronën e tij kanë shfrytëzuar faktin e zhvendosjes së tij me banim në Sarandë.

Gjithashtu Ymeraj thotë se goditja ndaj këto kohë është dhe e natyrës politike, duke shfrytëzuar faktin se ai ka një angazhim politik të caktuar.

Ndërkohë ai shton se në asnjë rast nuk ka abuzuar nga ndonjë detyrë zyrtare apo status i caktuar publik për të përfituar diç në shkelje të ligjit.

P.S. Sarandacity.al i kujtoj denoncuesit se tej e tutje duhet të shfaqet me emër konkret, siç ka vepruar dhe qytetari i denoncuar Gjergj Ymeraj, por që më mirë do të duhet të vijojnë t’i zgjidhin mosmarrëveshjet në rrugë gjygjësore. /sarandacity.al