Aktori dhe regjisori i njohur ndër vite i skenës sarandiote, Vangjel Agora, promovoi në një aktivitet librin e tij me historinë e Estradën e Sarandës.
“Në prag të 60-vjetorit të krijimit të Estradës së Sarandës, promovuam librin mbi historikun e saj ‘Aroma e një kohe që po ikën’, të autorit Vangjel Agora, në bashkëpunim me Prof.Dr Josif Papagjoni, nismë e realizuar nën mbështetjen dhe kujdesin e Bashkisë Sarandë.
Kënaqësi të jesh mes artistësh e në veçanti mes ikonave të humorit shqiptar, Xhuljeta e Pëllumb Kulla, aktorëve sarandiotë që jetojnë ketu dhe atyre të ardhur nga larg, si Zef Mosi etj.
Respekt e mirënjohje, për të gjithë artistët që kontribuan ndër vite në Estradën e Sarandës”, thuhet nga Bashkia.
Libri i Vangjel Agorës nuk është vetëm në funksion të një nostalgjie për atë që është lënë pas ndër vite, një tradite plot shkëlqim të artit skenik sarandiot, ku veçon dhe Estrada; është dhe nëj libër informues dhe dokumentues për brezat që do vijnë, ata që do jenë protagonistë skenikë apo të apasionuar pas artit skenik. /sarandacity.al/
