Ndër deputetë demokratë që ui bashkangjitën ceremonisë së presidentit të ri, ndër ata nga kampi i Berishës, qe dhe Ina Zhupa, një e rreshtuar krah Bashës në betejën mes dy PD-ve, që më pas bëri një konvertim politik duke kaluar në kahjen tjetër, te Rithemelimi.
Shpjegimi që ajo i bëri pranisë së saj në ceremoninë e marrjes së detyrës nga Bajram Begaj, qe me të vërtetë sugjestionuese. “Bajram Begaj do të jetë presidenti që do të dekretojë fitoren e PD-së”, tha ajo, duke besuar se me Berishën, do ketë një rikthim në pushtet, paçka dy “non grata”-ve.
“Pavarësisht situatës si u zgjodh, unë mendoj se nuk duhet ta paragjykojmë presidentin dhe duhet të shpresoj të paktën që ai do të jetë në lartësinë e pozicionit që ka marrë sot. Dhe do jetë aty për të respektuar ligjet e vendit. Procesi i betimit të presidentit është një proces kushtetues dhe mandati im i deputetit më detyron që të respektoj Kushtetutën”, arsyetoi ajo. /sarandacity.al/
