Numri dy i Bujqësisë shqiptare, Dhimo Kote, tha se pritet një përgjigje mbi atë se kush e solli dështimin e domates së mbjellë në disa fusha të Myzeqesë nga fermerë fierakë.
Këta të fundit po i kërkojnë shtetit dëmshpërblim, pasi pretendojnë se farën që e morrën jua solli dëmin e shkaktuar. 
“Unë e njoh situatën cep më cep në të gjithë territorin.
Për këtë rast, kjo farë që fermerët e kanë ngritur, Ozgan (farë turke) e mbjellë vitin e kaluar, është kontrolluar në vend nga specialistët, me analiza me të gjitha.
Kanë dalë analizat dhe do të dalë përfundimisht përgjegjësi, është fara, toka apo koka”, tha Kote.
Qyshse u zgjodh zv.ministër Bujqësie pak vite më parë, Kote inspekton punën në terren të fermerëve kudo në Shqipëri. /sarandacity.al/
