Nga PD, numri 2 Gazmend Bardhi, ofroi dy arsyetime se pse kolegu i tij nga kahja Berisha, Flamur Noka, nuk arriti të hapte derën e selisë, ardhur aty me kolegë të Rithemelimit, pas skadimit të ultimatumit për Bashën, që sipas tyre duhej të dilte nga zyra pas shkarkimit me referendum.
“Kemi konfirmuar edhe dje që në godinën e PD-së janë duke u kryer punime, ky është fakt
i njohur publik. Nuk ka nevojë të vish në dyert e partisë për ta provuar. Në seli po shtohen ambientet e punës se koha e llafeve ka mbaruar më 18 dhjetor”, tha Bardhi.
Arsyetimi tjetër që politik.
“Selia e PD-së ka qenë dhe do të jetë e hapur për çdo demokrat dhe do të jetë e mbyllur për çdo trafikant droge që ka qenë krah Berishës dhe mbështetësve të tij. Dhuna është e vetmja gjë që i ka mbetur pakicës në PD. Skenarët me akte dhune kanë për të dështuar. Lajmi i mirë sot është që disa kolegë ishin të pashoqëruar nga persona të dënuar për trafik droge dhe akte dhune”. /sarandacity.al/
