PS ka vendosur të mos e njoh një nga dy gjysmat e PD-së, piëkrisht Rithemelimin e Berishës.
Pavarësisht një vendimi gjykate, mazhoranca në pushtet do ndjekë linjën amerikane, atë që njeh si PD atë që është pjesa zyrtare, drejtuar tashmë nga Alibeaj.
Kjo u bë me dije nga kreu i grupit parlamentar të PS-së, Taulant Balla. Por jo vetëm kjo. Ka dhe një arsye parlamentare për këtë mosnohje.
I pyetur nga gazetarët se përse në negociata për presidentin e ri nuk është ftuar dhe Rithemelimi, ai deklaroi se PS nuk e njeh këtë grupim, me arsyetimin se nuk ka grup parlamentar në Kuvend. Sipas tij, Kushtetuta e cilëson që negociatat për presidentin kryen brenda Kuvendit.
“Historikisht në Kuvend njoh të gjitha proceset që kanë ndodhur nga 2002, konsultimet janë zhvilluar brenda Kuvendit, Kushtetua parasheh konsultime brenda Kuvendit. Nuk di që në Kuvend të ketë një grup parlamentar me emrin Komisioni i Rithemelimit, nuk ka grup parlamentar me këtë emër, nëse do kishte do ishte grupi i pestë në Kuvend. Nuk ka, kështu që s’e njoh”, tha Balla. /tesheshi.com/
