Qeveria i “dikton” Sarandës se ku duhet ta marrë qepën

Nga qeveria vjen një ofertë për Sarandën e jo vetëm e shoqëruar me arithmetikë të thjeshtë, se pse qepët duhet marrë në Myzeqe.

Eshtë deputeti i zonës Erion Braçe, njëherësh numri 2 i qeverisë, i cili teksa promovon prodhimet e “elektoratit të vet”, përcakton dhe tregjet ku ato duhet të shkojnë.

Për rastin e qepëve shkruan:

“Vjelim, paketojmë e shesim çdo ditë!

E di e di që e blini me 50-60 lekë në Tiranë e qytetet tuaja.

Një lutje kam, veçanërisht për gjithë industrinë e turizmit nga Shën Gjini në Sarandë, Gjirokastër, Berat etj: Furnizohuni, blini drejtpërdrejtë në Divjakë dhe Lushnje. Kurseni nga 70-100 përqind të vlerës, shpenzimet tuaja për çdo furnizim.

Bëjeni llogarinë vetë: vetëm nga qepa për një kilogram, kurseni 13-15 lekë.

Prodhimi ynë është vetëm një orë larg”, shprehet zv.kryeministri Braçe. /sarandacity.al/