Duke marrë shkas nga situata pandemike e qetë, ulja e infektimeve deri në minimum por edhe numri mininal i fataliteteve, Ministria e Shëndetësisë ka vendosur që të lehtësojë më tej masat anti-COVID.
Kështu, aipas njoftimit të këtij dikasteri, që sot hyn në fuqi rregulli i ri, ku në ambiente të jashtme do lejohen grumbullimet deri në 50 persona, nga 10 që ishte deri më tani, duke respektuar rregullat e distancës.
“Plani i lehtësimit të masave #antiCOVID, duhet të shoqërohet me respektim të rregullave, për kufizimin e përhapjes së #COVID19. Sot hyn në fuqi #rregulli i ri”, thuhet në njoftimin e MSH.
Kujtojmë se prej datës 1 qershor u prezantua plani i masave, i cili lejoi heqjen e maskave në ambientet e jashtme dhe shtyrjen e orës policore nga 22:00 -06:00 në 23:00-06:00. /sarandacity.al/
