Fundjava do jetë e llojit “dimër” sa i përket motit, ku shenjat po jepen që këtë të enjte. Nga Meteoalb u tha se i ftohti do të kulmojë të dielën dhe do të zgjasë deri të mërkurën e ardhshme.
“E premtja dhe e shtuna sjell një rënie me 1 dhe 2 gradë, ndërsa dita e dielë do të ketë ndryshim total në temperaturat për shkak të masave ajrore nga poli i verit që do të zgjasin deri në mesin e javës tjetër. Temperaturat do të jenë tipike dimri nga 1 gradë në zonat malore, dhe maksimalet do të jenë jo më shumë se 19 gradë”, tha meterologia ka thënë Lajda Porja.
I ftohti parashikohet të ndjehet më tepër dhe për shkak të stuhive të erës që parashikohet të përfshijnë vendin, ku më problematike sipas saj, situata do të jetë në zonat jugore.
“Kryesisht qarku i Vlorës dhe i Sarandës shpejtësia e erës do të jetë 65 km- 70 km në orë”, tha ajo, duke shtuar se nuk do mungojnë as rreshjet.
“Reshjet më të fokusuara do të jenë në zonat jugore, Përmet, Gjirokastër dhe Sarandë. Reshje do të kemi gjatë mbrëmjes së të shtunës dhe mëngjesin e të dielës”. /sarandacity.al/
