Rama gërricet me Di Caprio-n

Kryeministri Rama shpalli këtë të hënë nisjen e procedurave për shpalljen e Vjosës si Park Kombëtar.

“Kur na thonë që ky është lumi i fundit i egër në Europë, harrojnë që lumenjtë e tjerë të egër i kanë zbutur dhe këtu e duan të egër. Ne nuk jemi kundër pasi këtë që po e bëjmë e bëjmë sepse mendojmë se është e ardhmja.

Për këta që e duan Vjosën të egër s’mund të ndërtojmë një rezervat me njerëz të egër për t’ia përshtatur kënaqësisë së tyre për një lum të egër në Europë, por ta kthejmë në një hapësirë që mbron mjedisin dhe ushqen gjeneratat që do t’ia lëmë Vjosën trashëgimi”, tha Rama.

Më tej, i pari i qeverisë shqiptare zgjodhi të gricej në distancë Leonardo Di Caprio, një nga ithtarët e Vjosës, i cili do reagonte ashpër kohë më parë ndaj qeverisë.

“Leonardo Di Caprion u bë i gjallë për të goditur qeverinë, por nuk u bë i gjallë për ta mbrojtur qeverinë. Tani që qeveria po bën atë që atij i kishin thënë që nuk kishim ndërmend ta bënim, por që ndërkohë po e bëjmë.

E ka shok të mirë Ministrja e Turizmit, prandaj nuk po i bie më shumë. Mbase këto goditje do t’i shkojnë në vesh, pasi mund ta kishim lajmëruar dhe nuk do t’i vente në vesh fare. Mbase duke e sharë pak do t’ia kapi veshi”, tha Rama. /sarandacity.al/