Për herë të parë, kryeministri Rama lëshoi kritika ndaj SPAK-ut, ku theksin e vuri te i shpalluri “non grata” për korrupsion nga amerikanët, pikërisht Berisha.
“Deri tek ata për 10 muaj burg për një arkë peshk, ndërkohë që punësimi nuk u bë, të tjerët rrotullohen në varr akoma në kërkim të drejtësisë, pa llogaritur vjedhje kolosale që deri vetëm SPAK nuk i di, burgoset një grua për 10 kile peshk.
Më e çuditshmja, SPAK vendoset në lëvizje për deklaratën të partive të tjera, ndërkohë s’është vënë në lëvizje për deklaratën më të rëndë që është bërë në 30 vite nga aleati më strategjik i Shqipërisë, jo për një individ por për gjithë Shqipërinë, sepse ka drejtuar vendin. Ka detyrim për këtë njeri që ndalohet të hyjë në Amerikë familjarisht. Ajo deklaratë ka ose jo, se thotë dot politika e brendshme, por drejtësia. Sepse ajo deklaratë e mbetur pa përgjigjen e drejtësisë, për ata që kuptojnë dy gram nga marrëdhëniet ndërkombëtare, dhe një gram nga marrëdhëniet mes nesh dhe SHBA, është gur në qafën e Shqipërisë dhe SPAK duhet ta heqë këtë gurë nga qafa, ka bazë, nuk ka bazë. Edhe ata krejt pa tru ta marrin mesazh ka bazë apo nuk ka bazë”, arsyetoi Rama.
Ai ceku dhe çështjen e dënimin të Bojken Lakos për “ndërtim pa leje”, duke mos qenë dakort sërish për mënyrën se si bëhet drejtësi.
“Absurditete dënohet me heqje lirie një këngëtar se hap një dritare apo zgjeron pa leje ndërkohë që strukturat shtetërore, policia INUK presin prej muajsh, që gjykata të mos marrë në mbrojtje një pallat të tërë pa leje mu në breg të detit”, tha Rama. /sarandacity.al/
