Rasti i çuditshëm i Ilda Hajdinit: burg për bijën që “rrahu të ëmën”, rrahur nga e ëma!

Një masë “arrest me burg” ka dhënë Gjykata Sarandë për të renë Renilda Hajdini, e akuzuar për dhunim ndaj së ëmës. Më parë, ajo ka qenë në arrest shtëpie.

Lënia në burg ka irrituar mbrojtjen, pasi avokatja e saj e quan një masë të pavend për faktin se e akuzuara ka paraqitur një raport mjeko-ligjor, i cili vërteton të kundërtën, pra që ajo është dhunuar nga e ëma.

Për avokaten, është e paarsyeshme që si akuza e si gjykimi nuk kanë pranuar të marrin si provë këtë raport, ndërkohë që dhe me sy të lirë shihen shenjat e dhunës në qafën e vajzës.

Çështja qëndron e tillë: e ëma e Ilda Hajdinit vuan nga probleme mendore. Si e tillë, ka qenë ajo e cila ka ushtruar dhunë ndaj së bijës, por kjo e fundit ka ngurruar që të denoncojë nënën, pikërisht nga fakti se është nëna. Ndërsa kjo e fundit jo, e ka denoncuar të bijën.

Ndërkohë, në raportin mjeko-ligjor që vërteton dhunën e ushtrur ndaj vajzës, fjala “dhunë” mungon, e zëvëndësuar me fjalën “vetëmbrotje”, e cila pra ka patur si pasojë dëmtimet që nëna ia ka lënë së bijës.

Pikërisht këtu është kapur trupi gjykues, te kjo kleçkë, duke mos marrë si provë dhunën nga kahja tjetër, atë të nënës ndaj së bijës, si dhe nga fakti që kjo e fundit nuk ka preferuar ta denoncojë të ëmën. /sarandacity.al/         

https://youtu.be/-DT0Xkyqv5Q