Askush nuk e di pse, askush nuk mund ta kuptojë se si…
Një burrë 50-vjeçar nga Kina, i cili prej disa vitesh vrapon në maratonë duke pirë duhan gjatë garës, është bërë viral në internet!
“Xhaxhai Chen” ose “Vëllai duhanpirës”, siç e kanë quajtur në Kinë, madje arriti të përmirësojë kohën e tij në krahasim me dy maratonat e fundit të cilat i përfundoi me një cigare në gojë. Për të qenë të saktë, pasi kishte pirë të paktën një paketë duhan, pasi mediat e huaja raportojnë se ai jo vetëm që pinte duhan, por vraponte duke fikur njërën dhe ndezur tjetrën!
50-vjeçari tërhoqi vëmendjen në vitin 2018 kur përfundoi me kohën 3 orë e 36 minuta, por edhe vitin pasardhës (2019) duke përfunduar me 3 orë e 32 minuta. Këtë vit, dhe edhe pas karantinave të vështira të kaluara në Kinë, Chen ia doli edhe më mirë, duke kaluar vijën e finishit në 3:28:45!
Rreth 1500 persona morën pjesë në maratonë, ku ai zuri vendin e 574-të. /sarandacity.al/
