Nga Volloderi, një vizitë dhe një bashkëbisedim me ambasadorin gjerman Peter Zingraf, së bashku me kryebashkiakun Adrian Gurma, ka vijuar në sheshin përpara shatërvanit të qytetit të Sarandës, nga ka nisur vendosja e koshave rrjetë të mbledhjes së diferencuar të mbetjeve nga qytetarët, ashtu si edhe përgjatë shetitores së re.
Zingraf dhe Gurma janë ndalur edhe në çadrën ku ishin ekspozuar objekte të realizuara me mbetje të riciklueshme.
Në krah të kësaj stende ka qenë e vendosur dhe stenda e Ujësjellës-Kanalizimeve, për sensibilizimin e qytetarëve lidhur me rëndësinë e ujit në jetën e përditshme.
Në këtë stendë janë mirëpritur nga Sheme Lulo, drejtor i Ujësjellës-Kanalizimeve, i cili ka falenderuar ambasadorin Zingraf për mbështetjen që i kanë bërë rrjetit të Ujësjellës-Kanalizimeve në Sarandë.
“Dua të bëj një falenderim të veçantë qeverisë suaj për të gjitha investimet që k bërë për rehabilitimet e rrjetit për furnizimin me ujë të qytetit, ku falë investimeve tuaja, një pjesë e mirë e qytetit sot furnizohet 24 orë me ujë të rrjedhshëm.
Dua të bëj një kërkesë që të ndërhyni fuqishëm për të bërë të mundur furnizimin me ujë me rrjedhje të lirë, pasi mundësitë janë nga burimet e Bistricës apo Tatzatit”, ka qenë kërkesa e Sheme Lulos drejtuar përfaqësuesit të Ambasadës Gjermane. /sarandacity.al/
https://youtu.be/1dUP8qMax0w
