Shkolla e mesme teknike në Mesopotam, ose ndryshe “shkolla Janullatos”, edhe pse zyrtatisht mban emri “Apostulli Pavli”, do shndërrohet në shkollë të lartë, Universitet, dhe do ngrihet mbi gërmadhat e shkollës së rrafshuar 9-vjeçare të Vrionit.
Thuhet se ai territor është blerë tashmë pikërisht për ngritjen e kësaj shkolle, e cila ka financim privat dhe besohet se financohet pikërisht nga Janullatos. 
Shkolla e Mesopotamit ka një prestigj në zonë dhe ka arritur të përthithë të rinj dhe nga Saranda, Delvina e fshatrat përreth.
Ndërtimi i një shkolle të lartë në Vrion konfirmohet nën zë dhe nga autoritete arsimore në Finiq, ndonëse ende nuk është shpallur publikisht dhe zyrtarisht ndërtimi i Universitetit, i cili sipas rastit do quhej dhe “Janullatos”, edhe në trashëgoftë emrin “Apostulli Pavli”.
Fakt është që prej ditësh shkolla 9-vjeçare e Vrionit është rrafshuar, duke u bërë gati si sheshndërtim.
Në aspekt social dhe ekonomik, një universitet aty do i jepte shumë gjallëri zonës, duke llogaritur dhe ndërtimin e areoportit të Sarandës. /sarandacity.al/
